طريقة عمل بيض منتف (داركش)

السلام عليكم ورحمة الله وبركاته

شباب اليوم يايب لكم طبخة روعة حق الريوق يعني اي واحد يقدر يسويه حق وقت ماحصلت احد يطبخلك شغل عدل

المقادير:
1- 3 بيضات أقل أو أكثر حسب كل واحد وبطنة
2- ملح
3- جبن حسب الرغبة
4- دهن


طريقة التحضير:

1- لازم يكون مزاجك رايق علشان ماتتلعوز دهن ولايصير الأكل مالح
2-غسل الطابي وحطة على النار
3- حط الدهن في الطابي لي مااتيب البيض من الثلاجة
4- حط البيض في الطابي
5- وبعدين اخلط البيض ونتفة
6- حط اشوي ملح
7- قبشة جبن يصير الطعم شغل عدل
8-خله لي مايروح الماي او الماده البيضة منه
9- طف الغاز وشيل البيض وحطة في الصحن
10- برز الخبز
11- حط الصحن والأكل وشي اتشربه ماي او جاي في الصنية
12- روح عند التلفزيون
13- احله نقطة اضرب

أنه اخليكم الحين يالله كل واحد يجرب هل طبخة حق يوم واحد على الأقل

مع تحيات امير الأنام