آمير الانآمـ على كرسي الاعترآفـ .!,,

شنو يعني لكـ المنتدى؟؟؟؟

المكان إلي اقضي فيه نص وقتي على النت
شنو رايكـ فيـ تقليد الآخرين في كل شي ؟

اسميه امعه يعني بتعبير اخر ماعنده شخصيه او شخصيته اضعيفة فمن جذي ياخذ من اطباع الناس ومايمشي على اطباعه.
شنوو الشي اللي ميتـ تتمنهـ انكـ تحصل عليه ؟؟

اني اتخرج وانشاء الله اطلع الأول
الابتسامه شنو تعنيلكـ ؟

طبعا تعتمد طالعه من مين من صديق (اخو) صدقة وسلام وقوه علاقة

من وحده (وله كأني اشوفه)
برايك تقدر تبيع الشخص اللي باعك حتى لو كانت معزته في قلبك كبيرهـ...؟

مستحيل وجاوبت على هل سؤال من قبل يوم جاوبت على أسألت الحور
ماذا تعني لك كلمة صداقة حقيقية؟

اخوه وفاء مصارحة حب
لو قالولك اطرد واحد من المنتدى منو تطرد ؟

محد لو ابي اطرد احد جان من زمان طردته
انتي راضي عن نفسك وعن تصرفاتك ؟ اذا لا ليش ؟

الحمدلله بس طبعا مو كل الرضاء لأنه مافي انسان كامل
شنو احسن قسم عندك في المنتدى؟

مافي منتدى مميز انه ادش كله المنتديات
لو قالولك تمنى 3 امنيات شو تتمنى ؟؟

1-ابي شخص في بالي يحصل إلي يبيه

2-واحد يصير مثل مافي بالي

3-اتخرج واكون الأول
لو قالولك اهدي 3 وردات لمنو تهدينهم ؟

1- الماما

2-البابا

3-اخواني
لو قالولك اسجني 3 اعضاء منو تسجن ؟؟

اسجن مو اسجني

1-ريانهـ

2-المزاجية

3-الحور

والسموحه لأنه ربع موعن شي علشان يونسون بعض في الحبس هاي في المنتدى لو في الصج مااحبس احد
شو افضل كاكاو عندك ؟

جالكسي
لو قالولك تحكم العالم يوم واحد شو بتسوي؟

ماباسوي شي مو لأنه ماابي لأنه مايمديني اسوي شي وله تره انه ماعندي مانع
لو عطوك مليون دينار شبسوي فيهم ؟

باستثمره علشان اقدر اسوي الأشياء إلي في بالي يعني ممكن اتبرع بعدين ممكن اعطي اهلي منه يعني كل الأمور إلي تطري على البال

مشكوور أخوي امير على الأجوبه الصريحة منك
حاضرين اختي نورز

وهذي الدفعة الثالثة من الأسئلة
بارد عليه الحين ان شاء الله

1.متى كانت أحلى مرحلة في حياتك؟
الثانويه
2. شنو الشي اللي تتمنى تفقد الذاكره علشان تنساه؟
مافي شي الصراحة الله يدوم الذاكره ان شاء الله
3. من الشخص إلي ما ترفض له طلب؟
همس
4.هل من الممكن أن تجرح أحد الاعضاء في المنتدى؟
كثر مااقدر لا إلا إذا بالغلط وطبعا مستحيل اجرح احد لأنه اهني (المنتدى ) مو مكان اهواش مكان تبادل معارف وأفكار لا غير واعتذر حق اي احد جرحته بالغلط يعني من غير مااقصد
5.شنو في اعتقادك يخليك مميز ومحبوب بين الناس؟
اخلاقي
6. شنو إستايلك؟
لا معا الموضه ولا ضده اخذ منه الزين واقط الشن (اكثر شي البس ثوب وقتره ) بس بعض الأماكن مايصلح له الثوب والقتره فألبس جينز
7.شنو القرار إلي اتخذته وندمت عليه؟
مافي قرار والحمدلله
8. كلمة اثرت فيك ومن منو؟
لا من شخص ماارده طلب
تره لوعت جبدي
اشفيك انت هلون
لااتصيرلي هلون
9. عطني 5 أعضاء حسيتهم طيبين من القلب؟
الكل طيبين
10. متى تبي يكون من الاعضاء في كرسي الإعترافك بعدك؟
مافي احد معين احب عنصر المفاجأه يعني إلي بيي حياه الله

في انتظار الأسئلة

مشكووور أخوي امير على سعه صدرك لكل الأعضاء
وانه عن نفسي خلصلت اسئلتي في الوقت الحالي

حاضرين اختي وهاي واجب علي انه ارد علي اي شؤال من اسئلة المشرفين والأعضاء

Noorouza كتب:: مشكووور أخوي امير على سعه صدرك لكل الأعضاء
وانه عن نفسي خلصلت اسئلتي في الوقت الحالي

مادري شاقولج في ازيد من جذي اساله مشكله نوروز
اتمنا ماتساليني في يوم من الايام

خلاص انتهمى موعد جلوس امير على الكرسي

شكرا امير على التفآعلـ

,,

مزوج

مبروك اخيرا امير افتك من الاسئله مسكين والله

ما ادري اشفيك علي اخوي همس
شكلي انه بعد بتقاعد من طرح الأسئلة

يا اختي نوروز مافيني شي عليج ولا شي بس رفيجي لازم ادافع عنه
واقف في صفه كسر خاطري

والله مافي بالي شي على حد ترى

لو في شي ترى اقطها في الويه انه باقولج ترى امير افتك من اسألتج

وبالعكس انه اتمنا تفاعلج في اي منتدى كان اذا مب لي عشان المنتدى وتحسين مستواه
وانه اسف اذا قصدتج في شي

لا عادي اخوي همس اصلا ما زعلت
ومن حقك اتدافع عن رفيجك وماشالله عليه ما قصر
والله لا يفرقكم إنشاءالله

وإنشاءالله راح اتفاعل أكثر في المنتدى

اشكر كل مين سألني وتفاعل في هل موضوع
واعتذر عن اي اقصور بدى مني والسموحة وان شاء الله كانت الأجوبه على قد المقام

يعطيكم العافيه

حاضرين في اي وقت

باي